పిశాచగణం పిచ్చి వీరంగం
- వి. రాధాకృష్ణ
హైదరాబాద్, సెప్టెంబర్ 18 : పందికేం తెలుసు పన్నీరు వాసన! జర్నలిజం
గురించి, దాని విలువల గురించి రాష్ట్రంలో ఇప్పుడు పిశాచగణాలు గావుకేకలు
పెడుతున్నాయి. రాజశేఖర రెడ్డి అధికారంలో ఉన్నప్పుడు అడ్డగోలుగా
ప్రజాధనాన్ని లూటీ చేసి, ఆ ధన మదంతో అచ్చోసిన ఆంబోతుల్లా ఊరి మీద పడ్డ జగన్
పార్టీకి చెందిన రాంబాబు అండ్ కో... నా మీద, ఏబీఎన్ చానెల్‌పైనా వేసిన,
వేస్తున్న రంకెలపై స్పందించవలసిన అవసరం లేదు. అయితే, సభ్య సమాజం
తలదించుకునే రీతిలో రాంబాబు అండ్ కో చేసిన కొన్ని ఆరోపణలపై వారి కోసం
కాకపోయినా ప్రజల కోసం స్పందించాల్సి వస్తున్నది.
రాంబాబు రాసలీలలపై ఏబీఎన్‌లో ప్రసారమైన కథనాన్ని ఎవరు రూపొందించినా, దాన్ని ప్రసారం చేసినందుకు నేను పూర్తి బాధ్యత తీసుకుంటాను. ఆ కథనంలో తనపై వచ్చిన ఆరోపణలకు సమాధానం చెప్పవలసింది పోయి, తాను బురదలో పొర్లుతూ, నన్ను అందులోకి లాగడానికి రాంబాబు అండ్ కో ప్రయత్నిస్తున్నది. నాపై వ్యక్తిగతంగా ఈ పిశాచగణం చేసిన వ్యాఖ్యలను ప్రచురించడానికి, ప్రసారం చేయడానికి వారికి వత్తాసు పలుకుతున్న రోత పత్రిక, రోత చానెల్ కూడా సిద్ధపడలేదంటే... ఆ నోటి నీచత్వం ఏ స్థాయిలో ఉందో అర్థం చేసుకోవచ్చు.
అవినీతి, అక్రమాలకు వ్యతిరేకంగా పోరాడుతున్న నా ఆత్మ స్థైర్యాన్ని దెబ్బతీయడానికి రాంబాబు అండ్ కో ఈ దిగజారుడు ఆరోపణలు చేశారని తెలుసుకోలేనంత అమాయకుడిని కాను. ఇలాంటి కారుకూతలు, నా మనోస్థైర్యాన్ని ఇసుమంతైనా సడలించలేవని వారు తెలుసుకోవాలి. రాసలీలల కథనాన్ని ప్రసారం చేసిన తర్వాత, రాంబాబు మద్దతుదారులమని చెప్పుకొన్న వారు నాకు ఫోన్ చేసి దూషించడమే కాకుండా, చంపుతామని కూడా బెదిరించారు.
'వేమూరి రాధాకృష్ణకు ఏదైనా జరిగితే మా బాధ్యత లేదు' అని వైఎస్ఆర్ కాంగ్రెస్ పార్టీ నాయకుడు బాజిరెడ్డి గోవర్ధన్ కూడా విలేకరుల సమావేశంలో హెచ్చరించారు. ముందు ముందు భౌతిక దాడులకు కూడా తాము సిద్ధమని, ఫ్యాక్షన్ నీడలో ఎదిగిన తమ నైజాన్ని చాటుకున్నారు. అయితే, నీతి బాహ్యమైన ఈ ముఠా తెలుసుకోవాల్సిన విషయం ఒకటుంది! నేను దాడులకు భయపడను. ఆంధ్రజ్యోతి, ఏబీఎన్ తమ దమ్మున్న పంథా నుంచి వెనుదిరిగే ప్రసక్తేలేదు. ఏనాడైతే ఆంధ్రజ్యోతి బాధ్యతలు చేపట్టానో, ఆనాడే అన్నింటికీ సిద్ధపడ్డాను. ఇలాంటి చిల్లర మనుషుల బెదిరింపులకు బెదిరిపోయేంత బలహీనుడిని కాను.
వాస్తవానికి అంబటి అండ్ కో ఆరోపణలపై స్పందించకూడదనే అనుకున్నాం. అయితే, 'మేం ఏం చేశామని అంబటి మమ్మల్ని బజారులోకి లాగాడు?' అని మా సంస్థల్లో పని చేస్తున్న మహిళా సిబ్బంది ఆవేదనతో అడిగిన ప్రశ్నకు నా దగ్గర సమాధానం లేదు. రాంబాబు అండ్ కో నీచ ఆరోపణలు ముందు ముందు ఇతర చానళ్లు, పత్రికలకూ విస్తరించవచ్చు. ఇవాళ మా సిబ్బంది అడిగిన ప్రశ్నే రేపు ఇతర చానెళ్లు, ఇతర పత్రికల సిబ్బంది కూడా తమ యాజమాన్యాలను అడగొచ్చు. అప్పుడు వారు మాత్రం ఏం సమాధానం చెబుతారు? ఆంధ్రజ్యోతి, ఏబీఎన్ సాగిస్తున్న అక్షర సమరంలో సిబ్బంది సమిధలు కాకూడదన్నదే నా పాలసీ.
ఒక నీచ సంప్రదాయానికి తెర తీసిన రాంబాబు అండ్ కో ఒక్క విషయం మర్చిపోయారు. వారి నాయకుడు జగన్ కూడా ఒక పత్రిక, ఒక చానెల్ నడుపుతున్నారు. భవిష్యత్తులో ఆయనపై ప్రత్యర్థులు ఇలాంటి కువిమర్శలు చేయరన్న గ్యారంటీ ఏముంది? నీవు నేర్పిన విద్యయే నీరజాక్షా అని ఎవరైనా అంటే అప్పుడు మొహం ఎక్కడ పెట్టుకుంటారు? వైఎస్ఆర్ కాంగ్రెస్ పార్టీ నాయకులకు ఇక్కడ నేనో విషయం స్పష్టం చేయదలచుకున్నాను. మీకు నాపై కక్ష ఉంటే మీ శక్తిమేరకు ఆరోపణలు చేయండి.
ఇంకా కోపం తగ్గకపోతే, నన్ను భౌతికంగా దెబ్బతీయడానికైనా ప్రయత్నించండి. అంతేకానీ, పొట్టకూటి కోసం ఉద్యోగాలు చేసుకునే అమ్మాయిలను మీ రొచ్చులోకి లాగకండి. నన్ను మానసికంగా, శారీరకంగా దెబ్బ తీయడానికి ప్రయత్నిస్తే ఎదుర్కోవడానికి నేను సిద్ధంగా ఉన్నాను. మీ ప్రయత్నం మీరు చేసుకోండి. కనీస విలువలకైనా కట్టుబడి ఉండకుండా... మా పార్టీ తీరే ఇంత! మా పార్టీలో ఉండేవాళ్లంతా ఇలాగే ఉంటారు, ఉండాలి అని జగన్‌గానీ, ఆ పార్టీకి చెందిన మహిళా నేతలుగానీ భావిస్తే వారి ఇష్టం! అచ్చోసిన ఆంబోతులతో కూడిన జగన్ పార్టీ నైజం గురించి అప్రమత్తంగా ఉండాలని ప్రజలను కోరడం మినహా, ఇలాంటి సందర్భంలో చేయగలిగిందేమీ లేదు.
ఈ దుర్యోధన దుశ్శాసన దుర్వినీత లోకంలో... నీతి, నిజాయితీలతో మెలగడం అంత తేలిక కాదు. అందుకు ఎంతో మనోనిబ్బరం కావాలి. అది నాకు పుష్కలంగా ఉంది. ఉన్నది పోతుందన్న భయం కానీ, లేనిది కావాలన్న పేరాశ కానీ నాకు లేవు. అందుకే ఇలా ఉండగలుగుతున్నాను. ఉంటాను కూడా. అయితే, కనీస విలువలు లేనివాళ్లు రాజకీయ నాయకులుగా చలామణి కావడమే అన్నింటికంటే విషాదం. ఈ విషాదాన్ని మౌనంగా భరిస్తారా? లేక, ప్రతిఘటించి తరిమి కొడతారా? అన్నది ప్రజలే తేల్చుకోవాలి.
రాంబాబు రాసలీలలపై ఏబీఎన్‌లో ప్రసారమైన కథనాన్ని ఎవరు రూపొందించినా, దాన్ని ప్రసారం చేసినందుకు నేను పూర్తి బాధ్యత తీసుకుంటాను. ఆ కథనంలో తనపై వచ్చిన ఆరోపణలకు సమాధానం చెప్పవలసింది పోయి, తాను బురదలో పొర్లుతూ, నన్ను అందులోకి లాగడానికి రాంబాబు అండ్ కో ప్రయత్నిస్తున్నది. నాపై వ్యక్తిగతంగా ఈ పిశాచగణం చేసిన వ్యాఖ్యలను ప్రచురించడానికి, ప్రసారం చేయడానికి వారికి వత్తాసు పలుకుతున్న రోత పత్రిక, రోత చానెల్ కూడా సిద్ధపడలేదంటే... ఆ నోటి నీచత్వం ఏ స్థాయిలో ఉందో అర్థం చేసుకోవచ్చు.
అవినీతి, అక్రమాలకు వ్యతిరేకంగా పోరాడుతున్న నా ఆత్మ స్థైర్యాన్ని దెబ్బతీయడానికి రాంబాబు అండ్ కో ఈ దిగజారుడు ఆరోపణలు చేశారని తెలుసుకోలేనంత అమాయకుడిని కాను. ఇలాంటి కారుకూతలు, నా మనోస్థైర్యాన్ని ఇసుమంతైనా సడలించలేవని వారు తెలుసుకోవాలి. రాసలీలల కథనాన్ని ప్రసారం చేసిన తర్వాత, రాంబాబు మద్దతుదారులమని చెప్పుకొన్న వారు నాకు ఫోన్ చేసి దూషించడమే కాకుండా, చంపుతామని కూడా బెదిరించారు.
'వేమూరి రాధాకృష్ణకు ఏదైనా జరిగితే మా బాధ్యత లేదు' అని వైఎస్ఆర్ కాంగ్రెస్ పార్టీ నాయకుడు బాజిరెడ్డి గోవర్ధన్ కూడా విలేకరుల సమావేశంలో హెచ్చరించారు. ముందు ముందు భౌతిక దాడులకు కూడా తాము సిద్ధమని, ఫ్యాక్షన్ నీడలో ఎదిగిన తమ నైజాన్ని చాటుకున్నారు. అయితే, నీతి బాహ్యమైన ఈ ముఠా తెలుసుకోవాల్సిన విషయం ఒకటుంది! నేను దాడులకు భయపడను. ఆంధ్రజ్యోతి, ఏబీఎన్ తమ దమ్మున్న పంథా నుంచి వెనుదిరిగే ప్రసక్తేలేదు. ఏనాడైతే ఆంధ్రజ్యోతి బాధ్యతలు చేపట్టానో, ఆనాడే అన్నింటికీ సిద్ధపడ్డాను. ఇలాంటి చిల్లర మనుషుల బెదిరింపులకు బెదిరిపోయేంత బలహీనుడిని కాను.
వాస్తవానికి అంబటి అండ్ కో ఆరోపణలపై స్పందించకూడదనే అనుకున్నాం. అయితే, 'మేం ఏం చేశామని అంబటి మమ్మల్ని బజారులోకి లాగాడు?' అని మా సంస్థల్లో పని చేస్తున్న మహిళా సిబ్బంది ఆవేదనతో అడిగిన ప్రశ్నకు నా దగ్గర సమాధానం లేదు. రాంబాబు అండ్ కో నీచ ఆరోపణలు ముందు ముందు ఇతర చానళ్లు, పత్రికలకూ విస్తరించవచ్చు. ఇవాళ మా సిబ్బంది అడిగిన ప్రశ్నే రేపు ఇతర చానెళ్లు, ఇతర పత్రికల సిబ్బంది కూడా తమ యాజమాన్యాలను అడగొచ్చు. అప్పుడు వారు మాత్రం ఏం సమాధానం చెబుతారు? ఆంధ్రజ్యోతి, ఏబీఎన్ సాగిస్తున్న అక్షర సమరంలో సిబ్బంది సమిధలు కాకూడదన్నదే నా పాలసీ.
ఒక నీచ సంప్రదాయానికి తెర తీసిన రాంబాబు అండ్ కో ఒక్క విషయం మర్చిపోయారు. వారి నాయకుడు జగన్ కూడా ఒక పత్రిక, ఒక చానెల్ నడుపుతున్నారు. భవిష్యత్తులో ఆయనపై ప్రత్యర్థులు ఇలాంటి కువిమర్శలు చేయరన్న గ్యారంటీ ఏముంది? నీవు నేర్పిన విద్యయే నీరజాక్షా అని ఎవరైనా అంటే అప్పుడు మొహం ఎక్కడ పెట్టుకుంటారు? వైఎస్ఆర్ కాంగ్రెస్ పార్టీ నాయకులకు ఇక్కడ నేనో విషయం స్పష్టం చేయదలచుకున్నాను. మీకు నాపై కక్ష ఉంటే మీ శక్తిమేరకు ఆరోపణలు చేయండి.
ఇంకా కోపం తగ్గకపోతే, నన్ను భౌతికంగా దెబ్బతీయడానికైనా ప్రయత్నించండి. అంతేకానీ, పొట్టకూటి కోసం ఉద్యోగాలు చేసుకునే అమ్మాయిలను మీ రొచ్చులోకి లాగకండి. నన్ను మానసికంగా, శారీరకంగా దెబ్బ తీయడానికి ప్రయత్నిస్తే ఎదుర్కోవడానికి నేను సిద్ధంగా ఉన్నాను. మీ ప్రయత్నం మీరు చేసుకోండి. కనీస విలువలకైనా కట్టుబడి ఉండకుండా... మా పార్టీ తీరే ఇంత! మా పార్టీలో ఉండేవాళ్లంతా ఇలాగే ఉంటారు, ఉండాలి అని జగన్‌గానీ, ఆ పార్టీకి చెందిన మహిళా నేతలుగానీ భావిస్తే వారి ఇష్టం! అచ్చోసిన ఆంబోతులతో కూడిన జగన్ పార్టీ నైజం గురించి అప్రమత్తంగా ఉండాలని ప్రజలను కోరడం మినహా, ఇలాంటి సందర్భంలో చేయగలిగిందేమీ లేదు.
ఈ దుర్యోధన దుశ్శాసన దుర్వినీత లోకంలో... నీతి, నిజాయితీలతో మెలగడం అంత తేలిక కాదు. అందుకు ఎంతో మనోనిబ్బరం కావాలి. అది నాకు పుష్కలంగా ఉంది. ఉన్నది పోతుందన్న భయం కానీ, లేనిది కావాలన్న పేరాశ కానీ నాకు లేవు. అందుకే ఇలా ఉండగలుగుతున్నాను. ఉంటాను కూడా. అయితే, కనీస విలువలు లేనివాళ్లు రాజకీయ నాయకులుగా చలామణి కావడమే అన్నింటికంటే విషాదం. ఈ విషాదాన్ని మౌనంగా భరిస్తారా? లేక, ప్రతిఘటించి తరిమి కొడతారా? అన్నది ప్రజలే తేల్చుకోవాలి.
